اخبار ابوقرقاص
حاليا (مدرسة ابوقرقاص التجارية بنات) على فيس بوك
اخبار ابوقرقاص
حاليا (مدرسة ابوقرقاص التجارية بنات) على فيس بوك
اخبار ابوقرقاص
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

اخبار ابوقرقاص

اخبار ابوقرقاص لكل اهالي مركز ابوقرقاص
 
الرئيسيةالبوابةالتسجيلدخول

 

 عاشت مصر مبارك

اذهب الى الأسفل 
كاتب الموضوعرسالة
???????
زائر




عاشت مصر مبارك Empty
مُساهمةموضوع: عاشت مصر مبارك   عاشت مصر مبارك Icon_minitimeالجمعة فبراير 04, 2011 5:05 am

بدايه اتوجه بالدعاء ان تنتهى الازمه الحاليه وربنا يعديها على خير
ان للسيد الرئيس احترامه ويجب على الشباب ان ينهى اعتصامه واشبه الموقف اللى بيحصل حاليا بالملك فاروق حين تم خلعه من قبل الثوره ولكن ايام زمان كانت هناك اخلاق ومبدأ وخرج الملك فاروق كمكلك من مصر وكان على رأس موديعيه قائد الثوره محمد نجيب وتم مغادرته للبلاد كملك والشباب عايزه الرئيس مبارك يرحل عيب للسيد الرئيس احترامه وقدره وبعدين من هم الذين يتحدثون هل يعبرون عن راى الشعب كله طبعا لا الرئيس عبدالناصر بعد هزيمة 67 تنحى لما كان فيه وضع الجيش من فساد واستشهد الالف من خيرت شباب مصر ولكن الشعب الاصيل خرج وقال لا ياريس عايزينك والرئيس السادات كان دائما يتحدث عن اخلاق القريه ولما الدول العربيه لم توافق على السلام ووصفته بالخائن خرج الشعب وفال تحيه لرجل الحرب والسلام والرئيس مبارك لما ماتت احدى بنات الملك فاروق فى سويسرا ارسل طائره خاصه وامر بدفنها فى مصر وتم التعامل مع الامير احمد فؤاد نجل الملك بما يليق به
ايها الشباب عيب الرئيس له احترامه ولبى طلبات الشعب وبعدين حد سمع خطاب الرئيس لما قال عشت واموت فى مصر ولم يبكى عيب وربنا ان شاء الله يسترها على مصر ويظهر الخونه والعملاء وربما ضاره نافعه ياريس علشان حركة التطهير اللى حصلت .


الاخوه الكرام ابناء ابوقرقاص وانا اشاهد قناة الجزيره وجدت خبر مفاده ان السيد المستشار النائب العام اصدر قرار بالمنع بالسفر لكلا من احمدعز ووزراء الداخليه والاسكان والسياحه والتحفظ على ارصدتهم البنكيه قلت فى سرى قناه عميله تهدف لاثارة الفتن
رحت اشوف قنوات دريم والمحور لقيت نفس الخبر قلت قى سرى رجال الاعمال اصحاب القنوات عملوها مع الجزيره لاشاعة الفوضى
رحت جايب التليفزيون المصرى تليفزيون بلدنا اللى عمره ما يكدب فى حاجه زى كده لقيت الخبر صحيح لقيت نفسى بدون تردد اصرخ وواقول ياخراب بيتك يابوسعداوى على الايام الجايه اللى هتشوفها !!!!!!!!!!!!!!!!!!!!!!!!!!



وبعدين الشعب المصرى زعلان ان الرئيس مبارك صاحب الضربه الجويه والانجازات الذى حما مصر من شرور كتيره ظل فى الحكم 30 سنه فى حكم مصر ياجماعه اخواتكم فى ابوقرقاص عندهم عضو مجلس شعب اسمه مجدى سعداوى بقاله على الكرسى 20 سنه شهدت خلالها تسريب امتحانات وتوزيع فرص عمل على من لا يستحقون وسب وشتائم هو والافعى شقيقه فى بندر الفكريه ووصفه بابشع الافاظ وبعدين المعارضون بيقولوا ان للرئيس مبارك حاشيه ياريت حد يبص على حاشيت السيد مجدى سعداوى اللى اقسم بالله العظيم واحاسب على القسم يوم الحساب ان حاشيت السيد مجدى سعداوى كانت تساوم نساء ابوقرقاص على عرضها مقابل الوسطه وقضاء المصالح .



وبعدين الرئيس مبارك خريج مدرسه عسكريه تخرج من الكليه الجويه لكن فى ابوقرقاص نائب الشورى بشهادة محو الاميه والكارثه مش على مقعد العمال ده سيادة العضو على مقعد الفئات اللى بيكونوا فيه رجال قانون وفقهاء دستور واساتذة جامعه مش شهادة محو اميه


ونجى لقفشات الموضوع علشان الناس تضحك كفايه غم و20 سنه وشهادة محو الاميه
اصدر النائب العام قرار بمنع من السفر والتحفظ على ممتلكات كلا من الاتيه اسماهن لما قاموا به من استغلال للسلطه وممارسة الفساد والاستيلاء على مقدرات الوطن والشعب وقهر الشباب وهم كالاتى
1 مجدى سعداوى وشقيقه
2 عبدالغنى شيمى على
3 ايهاب حمزه زكى
4 محمد شوقى زهدى وشقيقه احمد
5 بليغ حمدى الرويدى
6 سيد عبدالحفيظ
7 حسنى المقرحى
8 بدر حسن
9 مصطفى على عبدالحليم (امبراطور الجمعيه الرزراعيه )
10 على حلمى سليم
11 خليل محمد خليل (بتاع لحم الحمير )
12 محمد طلعت (بتاع كازينو النيل )
13 مصطفى سطوحى



رساله للواء فاروق طه الانسان الذى لا يعيب عليه احد سوى البعد عن ابناء ابوقرقاص لكن الرجل وكلمة حق محدش سمع عنه ما يعيبه اخلاقيا بل الرجل امتاز بالصبر وقضاء مصالح كثيره وذات ثقل بل الرجل بالحزب فى عز احمد عز وقف اللواء فاروق ضده والجميع يعرف ذلك بل الادهى ان بتاع محو الاميه كان عاوز يسقط اللواء فى المعركه الانتخابيه الاخيره والعضو صاحب 20 سنه قهر وذل لاهل ابوقرقاص جيه فتره هو وحاشيته كانوا واقفين ضد اللواء ويدبرون المكائد من الدفع بمرشحين فئات عده لاسقاط الرجل
اقول لك ياغالى على قلوبنا يا سيادة اللواء قم بحركة تطهير لبعض الشباب الفاسد التابع للسيد النائب بتاع 20 سنه الذين ظهروا معك اخر دورتين حتى لا يخرج اهل ابوقرقاص يهتفون فاروق الانسان باعوه بتوع النسوان


ابو شوقى هشام طلعت مستنيك

خير اللهم اجعله خير الناس شافت الحاج بكر مصطفى الذى قام السيد ايهاب ومعاونيه بالتشهير به يوزع مياه معدنيه وواجبات على شباب 25 يناير بميدان التحرير برافو يا حاج بكر معدنك ظهر ايها المناضل


خير اللهم اجعله خير الناس شافت محمد شوقى واخد بلطجيه وعايز يقتحم ميدان التحرير بسنج ومية نار وبتمويل من شقيقه بتاع الدروس برافو يابوالشوق معدنك ظهر ايها الافاق

السيد مدير المنتدى ارجو عدم الحذف لانى تعبت كثيرا فى كتابت المساهمه وبعدين خلص مفيش عمده ولا غيره وياريت بنشرك المساهمه والنشر اتحمل المسئوليه عليه تكون مساهمه منك فى القضاء على 20 سنه قهر وذل لشعب ابوقرقاص ارجوك عدم الحذف ان كنت بتحب مصر وابوقرقاص لها عليك واجب




مع تحيات اخوكم نايف سرحان نصار التونى
الرجوع الى أعلى الصفحة اذهب الى الأسفل
?????
زائر




عاشت مصر مبارك Empty
مُساهمةموضوع: الف شكر يارب    عاشت مصر مبارك Icon_minitimeالجمعة فبراير 04, 2011 7:27 am

يا مبارك فينك فينك سعداوى وحمزه بينا وبينك
لما كنت بدخل الحزب بابوقرقاص كانت تتصدره صورة احمد عز والسيد ايهاب حمزه وهى صوره يبدو انها ملتقطه فى احدى مؤتمرات الحزب وصوره توضح احمدعز وهو يضع يده على كتف ابوحمزه وزى اللى بيقوله اتعلم يابوحمزه التزوير والتريقه والاستخفاف باراء الناس فى الشارع
يابوحمزه زى ماكتب احد معاونيك وده اللقب اللى بتحب الناس تنديك به كام مره الناس كتبت عبر المنتدى ده وقبل المنتدى وتحدثت عن بطش محمد شوقى واعوانه وفساد مصطفى على وطالبت بتغيرهم مش محاسبتهم ولكن يبدو ان تعليمات احمدعز والصوره ماثره فى حضرتك
ولكن اليوم لا نريد تغيرهم بل محاسبتهم حساب عسير على ما اقترفوه فى حق الوطن واهل ابوقرقاص
باى باى ابوحمزه لقد نفذ رصيدكم


فعل السيد منتصر عبر المنتدى تنبأ عبر مقال الثوره بما يحدث ولكن تهديدات حاشية الحزب كانت سبب فى رفع المقال لكن اليوم نحن ياستاذ منتصر نرفع رؤسنا فقد مضى عهد التهديد وشكرا مره اخرى
كاتب المقال تقدم بالحصول على وظيفه للسيد مجدى سعداوى اكثر من مره ولم يعين مع العلم بانى حاصل على ماجستير فى الاداره وخريج بتقدير جيد ولكن من تم تعينهم معروفين بالاسم ولكن لان اذكر اسماء احد للاحراج
وانما حساب ابوسعداوى على الايام اللى كنت بروح استناه فى الحزب بالساعات وعلى مشاوير الذهاب الى القاهره اللى ربنا اعلم بانى كنت بشحتها من اصحابى وفى النهايه لما قلت له ياسيادة النائب فلان اتعين رد بكل برود وجبروت انتا من المدينه هاخد ايه من وراك انا بعين ابناء العائلات بالقرى كاننى مولود فى حديقة الحيوان
اليوم اسجد لله شكرا لانى شفت فى ابوسعداوى اليوم اللى هينكسر فيه وان شاء الله ربنا مش هيسيب حق كا من تعرض على يد هذا الرجل من ظلم وكسرت نفس
لقاء معك ابوسعداوى عند النائب العام ببلاغ عن كل ما سمعته من تجاوزاتك صحيح انى لا املك مستندات لكن الان النائب العام يقدر يجيب كل لاحاجه علشلن انتها سيد قراره يابوحمزه
الرجوع الى أعلى الصفحة اذهب الى الأسفل
???
زائر




عاشت مصر مبارك Empty
مُساهمةموضوع: شكرا ياريس   عاشت مصر مبارك Icon_minitimeالجمعة فبراير 04, 2011 8:39 am

الشعب سيد قراره مفيش حاجه اسمها سيد قراره
سعداوى وحمزه وابو الشوق لازم يتحاكموا ياريس
ياريس مصطفى على عبدالحليم ماسك الجمعيه الزراعيه عشرين سنه تواكبن مع النائب الفذ ابوسعداوى ثروته تجاوزت اكتر من عشره مليون جنيه من اراضى ملك الدوله
ياريس سعداوى ومصطفى وابو الشوق هما اللى وصلوا الشباب للانفجار
ياريس للتاريخ وانت رجل ازمات وانجازات يجب ان يحاسبوا
شكرا ياريس وجمعه هادئه ان شاء الله ومزيد من الاستقرار لمصر فى عهدك
الرجوع الى أعلى الصفحة اذهب الى الأسفل
????
زائر




عاشت مصر مبارك Empty
مُساهمةموضوع: اتمني اشوف الاصلاح   عاشت مصر مبارك Icon_minitimeالجمعة فبراير 04, 2011 1:33 pm

اتمنى اشوف اصلاح الحال في مصر

انتخابات ديموقراطية حقيقية

وزارة تعمل للشعب فعلا

عدالة بين المواطنين لافرق بين ابن بندر وارياف العبرة بالعمل والتفوق

محليات هدفها خدمة الناس مش جيوبهم

اعلام صادق جاد هادف مش هشك بشك

شقق ومساكن بسعر مناسب للناس

شوارع نظيفة

علاقة جيدة بين المسئول والشعب

التقدير للمسئول واداء الواجب من المسئول للشعب

وربنا يحمى سيادة الريس ويقدره على الاصلاح في الكام شهر دول
الرجوع الى أعلى الصفحة اذهب الى الأسفل
Admin
Admin
Admin


عدد المساهمات : 538
تاريخ التسجيل : 15/02/2010

عاشت مصر مبارك Empty
مُساهمةموضوع: بقي ده اسمه كلام    عاشت مصر مبارك Icon_minitimeالجمعة فبراير 04, 2011 9:48 pm

ادعوا الله أن يتم الموضوع على خير وان يدوم الامن على مصر وان نخرج اقوى من الاول كما أظن ان شاء الله

موضوع الثورة التونسية لم يرفع بسبب اي حد من الحزب الوطنى ولا أمنيا ايضا فقط لوجود تحرش من بعض الردود ضد البعض وخصوصا ان الموضوع كان يخص شخص رئيس الجمهورية فقط لاغير ولم يضغط احد على للألغاءه نهائيا خالص تحياتى .
الرجوع الى أعلى الصفحة اذهب الى الأسفل
https://abuqurqas.123.st
 
عاشت مصر مبارك
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اخبار ابوقرقاص  :: اخبار ابوقرقاص :: اخبار ابوقرقاص-
انتقل الى: